ՎՍՀ-ում Հայաստանի Հանրապետության դեսպան Վահրամ Կաժոյանի մասնակցությունը ֆրանկոֆոն դեսպանությունների, պատվիրակությունների և կառույցների խմբի 92-րդ հանդիպմանը

30 նոյեմբերի, 2021

Ս.թ. նոյեմբերի 30-ին Վիետնամում Հայաստանի դեսպան Վահրամ Կաժոյանը (Vahram Kazhoyan) մասնակցեց Վիետնամում՝ ֆրանկոֆոն դեսպանությունների, պատվիրակությունների և կառույցների խմբի (Groupe des ambassades, délégation et institutions francophones au Vietnam - GADIF) 92-րդ հանդիպմանը, որը կազմակերպված էր GADIF-ի ներկայիս նախագահող երկրի՝ Բելգիայի դեսպանության և Ֆրանկոֆոնիայի միջազգային կազմակերպության Ասիա-խաղաղօվկիանոսյան տարածաշրջանային ներկայացուցչության կողմից:

Հանդիպմանը բացման խոսքերով հանդես եկան Բելգիայի դեսպան, GADIF նախագահ Պոլ Յանսենը և Ֆրանկոֆոնիայի միջազգային կազմակերպության Ասիա-խաղաղօվկիանոսյան տարածաշրջանի ներկայացուցիչ Շեկու ՈՒսսումանը:

Օրակարգի շրջանակներում մասնակիցները հաստատեցին նախորդ՝ 91-րդ հանդիպման զեկույցը, քննարկեցին ՄԱԿ-ի ԳԱ շրջանակներում ընդունվելիք՝ ՄԱԿ-ի և ՖՄԿ-ի միջև համագործակցության վերաբերյալ բանաձևի նախագիծը, ԵՄ-ի և Աֆրիկյան, Կարիբյան ու Խաղաղօվկիանոսյան երկրների միջև հաագործակցության համաձայնագիրը և մի շարք այլ փաստաթղթեր:

Մասնակիցների կողմից հավանության արժանացավ Ֆրանկոֆոնիայի միջազգային կազմակերպության Ասիա-խաղաղօվկիանոսյան տարածաշրջանի ներկայացուցչության՝ Վիետնամի դիվանագիտական ակադեմիայում Ֆրանկոֆոնիայի սրահի հիմնման առաջարկությունը:

Հանդիպմանը մասնակցում էին նաև Բելգիայի, Ֆրանսիայի, Ռումինիայի, Մարոկկոյի դեսպանները, Ֆրանկոֆոնիայի միջազգային կազմակերպության Ասիա-խաղաղօվկիանոսյան տարածաշրջանի ներկայացուցիչը, ինչպես նաև Վիետնամում հավատարմագրված այլ ֆրանկոֆոն երկրների հավատարմատարներ ու դիվանագետներ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր